អំពីអង្គភាពយើង
អង្គភាពអ្នកនាំពាក្យរាជរដ្ឋាភិបាល (អ.អ.រ) ជាសេនាធិការផ្ទាល់របស់រាជរដ្ឋាភិបាលលើកិច្ចការនាំពាក្យ និងព័ត៌មានដើម្បីផ្សព្វផ្សាយអំពីគោលបំណងនៃគោលនយោបាយទាំងក្នុង និងក្រៅប្រទេសរបស់រាជរដ្ឋាភិបាលកម្ពុជាទៅកាន់សាធារណជនជាតិនិងអន្តរជាតិ អំពីសមិទ្ធផលនិងវឌ្ឍនភាពជាក់ស្ដែងនៃការអនុវត្តយុទ្ធសាស្ត្របញ្ចកោណ-ដំណាក់កាលទី១ ជាពិសេសគោលនយោបាយអាទិភាពទាំង៦ចំណុចរបស់រាជរដ្ឋាភិបាល នីតិកាលទី៧ នៃរដ្ឋសភា។ អ.អ.រ ត្រូវបានបង្កើតឡើងដោយអនុក្រឹត្យលេខ ១១៧អនក្រ.បក ចុះថ្ងៃទី១៥ ខែសីហា ឆ្នាំ២០១៩។
- បេសកកម្ម៖ ផ្សព្វផ្សាយអំពីគោលបំណងនៃគោលនយោបាយក្នុង និងក្រៅប្រទេសរបស់រាជរដ្ឋាភិបាលកម្ពុជាទៅកាន់សាធារណជនជាតិនិងអន្តរជាតិ។
- ចក្ខុវិស័យ៖ ពង្រឹងនិងលើកកម្ពស់តួនាទីរបស់អ្នកនាំពាក្យរាជរដ្ឋាភិបាល ក្រសួង ស្ថាប័ន និងរាជធានីខេត្តឱ្យមានប្រសិទ្ធភាព តម្លាភាពនិងប្រកបដោយក្រមសីលធម៌វិជ្ជាជីវៈ។
- គុណតម្លៃ៖ ពាំនាំការពិតជូនសាធារណជនទាំងក្នុងនិងក្រៅប្រទេស ដើម្បីការពារគុណតម្លៃនិងមុខមាត់រាជរដ្ឋាភិបាលទាំងនៅក្នុងប្រទេសនិងនៅលើឆាកអន្តរជាតិ។ បណ្តុះមោទនភាពជាតិ និងជាពិសេសការពារផលប្រយោជន៍ប្រជាជនកម្ពុជាទូទាំងប្រទេស។