ក្នុងទិវាទីក្រុងស្អាតលើកទី០៨ ក្រោមប្រធានបទ “ទីក្រុងស្អាត ÷ ទីក្រុងដែលមានវីថីម្ហូបអាហារស្អាត” ដែលពិធីនេះ ធ្វើឡើងនៅបរិវេណរង្វង់មូលនាគព័ន្ធ ស្ថិតក្នុងក្រុងព្រះវិហារ ខេត្តព្រះវិហារ។ ទិវាទីក្រុងស្អាតលើកទី០៨ មានការរៀបចំពីសាលាក្រុងព្រះវិហារសហការជាមួយ មន្ទីរទេសចរណ៍ខេត្ត ថ្នាក់ដឹកនាំ មន្រ្តីរាជការ មន្ទីរអង្គភាពជុំវិញខេត្ត សិស្សនិស្សិត និងប្រជាពលរដ្ឋចូលរួមយ៉ាងច្រើនកុះករ។
ឯកឧត្តម គោស៊ុ ប៊ុនសឿត បានលើកឡើងថា បើយើងចង់ឲ្យមានទីក្រុងស្អាតល្អបាន គឺផ្តើមចេញពីយើងទាំងអស់គ្នា ដោយយើងគ្រប់រូបនាំគ្នាចូលរួមអនុវត្ត រក្សាសម្អាតអនាម័យ បរិស្ថានល្អគ្រប់ពេលវេលា នឹងគ្រប់ទីកន្លែង។
ដូច្នេះយើងទាំងអស់គ្នា នាំគ្នាចូលរួមបន្តជាប្រចាំដោយនាំគ្នាសម្អាតអនាម័យ បរិស្ថាន នៅតាមផ្ទះ ទីកន្លែងសាធារណ:នានា ក្នុងទីក្រុងនិងជនបទ ដើម្បីទទួលបានមកវិញនូវសុខភាពល្អ ទីក្រុងស្អាត និងទទួលបានការទាក់ទាញភ្ញៀវទេសចរណ៍ជាតិ និងអន្តរជាតិមកទស្សនានិងឆ្លងកាត់ ហើយបានចូលរួមប្រលងប្រណាំងទីក្រុងស្អាតពីថ្នាក់ជាតិនិងថ្នាក់តំបន់ផងដែរ។
ឯកឧត្តម បានបន្តទៀតថា ការចូលរួមសម្អាតអនាម័យបរិស្ថាននេះ ការរស់នៅក្នុងជីវភាពគ្រួសារម្នាក់ៗបានអនុវត្តជាប្រចាំយូរមកហើយ ដោយបានហូបស្អាត ផឹកទឹកស្អាត និងការរស់នៅស្អាត យើងគ្រាន់តែបន្ត ការថែទាំនៅតាម
ទីសាធារណ:បន្ថែមទៀត ដើម្បីឲ្យទីក្រុងយើងជាទីក្រុងពណ៌បៃតង បរិស្ថានល្អ ទីក្រុងស្អាត ជាមុខមាត់របស់ប្រជាពលរដ្ឋខេត្តយើងទាំងអស់គ្នា។
