ភ្នំពេញ ៖ ដើម្បីប្រយោជន៍ជាតិ និងប្រជាជន ជាពិសេសដើម្បីបង្ក្រាបព័ត៌មានក្លែងក្លាយ អង្គភាព អ្នកនាំពាក្យ រាជរដ្ឋាភិបាល និងបង្កើតអោយ ជំនួប រវាង អ្នកសារព័ត៌មាន និងអ្នកនាំពាក្យគ្រប់ក្រសួង អោយ បានជា ទៀង ទាត់រៀងរាល់ខែ។
ឯកឧត្តម ផៃ ស៊ីផាន ប្រធានអង្គភាពអ្នកនាំពាក្យរាជរដ្ឋាភិបាល បានឲ្យដឹង នៅព្រឹកថ្ងៃទី២០ ខែមិថុនា ឆ្នាំ២០១៩នេះថា អ្នកនាំពាក្យគ្រប់ក្រសួងទាំងអស់ត្រូវពង្រឹងសមត្ថភាពបន្ថែម ដើម្បីធ្វើការអោយជិត ស្និត ជាមួយអ្នកសារព័ត៌មានជាតិ និងអន្តរជាតិ ផ្តល់ព័ត៌មានពិត ពីក្រសួងស្ថាប័នរបស់ខ្លួន អោយបានទាន់ ពេលវេលាឆ្លើយតបទៅ នឹងបញ្ហានានា ដែលកើតមានលើវិស័យពាក់ព័ន្ធរបស់ក្រសួងស្ថាប័នសាមី។
ឯកឧត្តម បន្តថា អ្នកនាំពាក្យ មិនត្រូវគិតថាអ្នកសារព័ត៌មានជាសត្រូវនោះទេ ប៉ុន្តែផ្ទុយទៅវិញ អ្នកសារព័ត៌ មានគឺជាអ្នកនាំនូវសារពិតពីអ្នកនាំពាក្យទៅផ្សព្វផ្សាយ ជូនដល់សាធារណជន ។ ឯកឧត្តម បានសង្កត់ធ្ងន់ថា អ្នកនាំពាក្យគឺជាយុទ្ធជនបង្ក្រាបព័ត៌មានចចាមអារ៉ាម ឬព័ត៌មានក្លែងក្លាយ តាមរយៈការផ្តល់ព័ត៌មានពិត រហ័ស ឆ្លើយតបទាន់សភាពការណ៍និងការចង់ដឹងរបស់មហាជន។
ឯកឧត្តម បន្តថា ដើម្បីអោយកាន់តែមានប្រសិទ្ធភាពអង្គភាពអ្នកនាំពាក្យរាជរដ្ឋាភិបាល និងរៀបចំអោយ មានកាលវិភាគច្បាស់លាស់ រវាងអ្នកនាំពាក្យ និងអ្នកសារព័ត៌មានក្នុងនោះ ជារៀងរាល់មួយខែម្តង នឹងមានការជួបជុំដើម្បីលើកនូវបញ្ហាប្រឈមនានា របស់អ្នកនាំពាក្យ និងអ្នកសារព័ត៌មានដែលធ្វើ ការ កន្លងមក ហើយជារៀងរាល់សប្ដាហ៍ និងមានរៀបចំកម្មវិធីសន្និសីទ សារព័ត៌មាន លើប្រធានបទ សំខាន់ៗដែល កើតមានជាប្រចាំ ដើម្បីផ្តល់ភាពងាយស្រួលដល់អ្នកនាំពាក្យ បានផ្សព្វផ្សាយព័ត៌មានទៅកាន់ មហាជនផងដែរ៕ អត្ថបទពី៖bayontv
