អំពីអង្គភាព
អង្គភាពអ្នកនាំពាក្យរាជរដ្ឋាភិបាល ដែលមានអក្សរកាត់ថា (អ.អ.រ) ត្រូវបានបង្កេីតឡេីងដោយអនុក្រឹត្យលេខ ១១៧អនក្រ.បក ចុះថ្ងៃទី១៥ ខែសីហា ឆ្នាំ២០១៩។ (អ.អ.រ) ជាសេនាធិការរាជរដ្ឋាភិបាល លេីកិច្ចការនាំពាក្យ និងផ្ដល់ព័ត៌មាន ដេីម្បីប្រសិទ្ធភាពនៃការងារជូនដល់សាធារណជន ជាតិ និងអន្តរជាតិ ក្នុងកិច្ចយល់ដឹងយ៉ាងពិតប្រាកដ ជាមួយនឹងកិច្ចពង្រឹងការទុកចិត្ត និងការចូលរួមគាំទ្ររាជរដ្ឋាភិបាល អំពីអ្វីដែលជាក់ស្ដែងនៃសមិទ្ធផល និងវឌ្ឍនភាព ក្នុងការអនុវត្តយុទ្ធសាស្ត្រចតុកោណដំណាក់កាលទី៤ គោលនយោបាយអាទិភាពរបស់រាជរដ្ឋាភិបាល នីតិកាលទី៦ នៃរដ្ឋសភា។
គោលការណ៍ពិតប្រាកដ គឺជាកិច្ចតស៊ូមតិ នៅក្នុងមជ្ឈដ្ឋានរណសិរ្ស មតិសាធារណៈ ពីការបំពុលព័ត៍មានរបស់ក្រុមប្រតិកិរិយា ក្នុងកិច្ចពង្រឹងពង្រីក នៃឧត្តមភាពប្រកបដោយភាពវិជ្ជមានទូលំទូលាយ នៃព័ត៍មានផ្លូវការរបស់រដ្ឋ ដែលមានប្រៀបខ្លាំង។ កិច្ចអូសទាញភាពជឿជាក់ និងទុកចិត្តបំផុតរបស់សាធារណជន តាមរយៈការបំផុសភាពវិជ្ជមានអោយមានវិសាលភាពទូលំទូលាយ ដែលភាពវិជ្ជមាននេះចូលរួមយ៉ាងសកម្មក្នុងការបំផ្លាញព័ត៍មានអវិជ្ជមាន ព័ត៍មានក្លែងក្លាយ ព័ត៍មានប្រឌិត និងព័ត៍មានប្រតិកិរិយា។